Um Bíla og hjól
Bílaverkstæði sem tekur á fjölmörgum þáttum í viðhaldi og endurbótum bifreiða og mótorhjóla – síðan 2003.
Bílar og hjól ehf. er fyrsta flokks þjónustuverkstæði fyrir allar gerðir bifreiða. Hjá fyrirtækinu starfar starfsfólk með áralanga reynslu í bifvélaviðgerðum, bílamálun og réttingum.
Upprunalega tók fyrirtækið aðeins að sér bílasprautun, réttingar og tjónaskoðanir en síðan þá höfum við bætt töluvert við starfsemina. Ásamt útlitslagfæringum bjóðum við upp á almenna smurþjónustu og ýmsar almennar viðgerðir, og erum jafnframt þjónustuaðili Öskju fyrir KIA bifreiðar og þjónustuaðili Bernhard á HONDA bifreiðum.
Fyrirtækið var stofnað árið 2003 af bílamálaranum Garðari Hauki Gunnarssyni. Garðar á og rekur verkstæðið til þessa dags.
Frá sprautuverkstæði að alhliða þjónustu
- 2003Stofnað
Bílamálarinn Garðar Haukur Gunnarsson stofnar Bíla og hjól. Í upphafi bílasprautun, réttingar og tjónaskoðanir.
- ·Fleiri þjónustuleiðir
Almenn smurþjónusta og ýmsar almennar viðgerðir bætast við útlitslagfæringarnar.
- ·KIA og HONDA
Verkstæðið verður þjónustuaðili Öskju fyrir KIA og Bernhard fyrir HONDA.
- 2018Umhverfisstefna
Umhverfisstefna Bíla og hjóla sett fram.
- Í dagVottað verkstæði
BGS-vottað verkstæði með fimm stjörnur hjá Sjóvá. Garðar á og rekur verkstæðið til þessa dags.
Gæði sem eru vottuð
BGS vottaðBílgreinasambandið hefur vottað gæði og ferla á verkstæðinu.
Sjóvá byggir stjörnugjöf sína á BGS-vottuninni.
KIA þjónustaÞjónustuaðili Öskju fyrir KIA bifreiðar.
HONDA þjónustaViðurkenndur þjónustuaðili fyrir HONDA.
Umhverfismál eru forgangsmál
- Umhverfismál eru á meðal forgangsverkefna Bíla og hjóla ehf. og mun fyrirtækið aðlaga starfshætti og rekstur að ábyrgri afstöðu til umhverfisverndar.
- Stöðugt ber að fylgja eftir stefnumótun og stjórnun umhverfismála í ljósi nýrra laga og reglna, starfshátta atvinnugreinarinnar, tækniþróunar, þarfa neytenda og væntinga almennings.
- Bílar og hjól hefur frumkvæði að endurbótum á starfsháttum sem leiða til betri umhverfisverndar.
- Bílar og hjól mun þjálfa og hvetja starfsmenn til að sinna störfum með fullu tilliti til umhverfisverndar.
- Bílar og hjól tekur tillit til umhverfisþátta, s.s. orkuneyslu og nýtingar hráefnis, við val á vörum, birgjum og flutningstækjum og heldur neikvæðum umhverfisáhrifum í lágmarki, m.a. með réttri förgun sorps og úrgangsolíu.
- Bílar og hjól mun skipuleggja og skrá neyðaráætlun um viðbrögð á hættustundum sem endurspeglast í áhættugreiningu fyrirtækisins.
- Bílar og hjól mun skipuleggja umbætur í umhverfismálum.
Núverandi verkefni í umhverfismálum
Takmörkum kaup á varahlutum með endurnýtingu notaðra gæðavarahluta.
Fastur úrgangur – plast, pappír/pappi, járn og gler – er flokkaður og fluttur á endurvinnslustöðvar.
Olíu og spilliefnum er safnað saman og þau send til endurvinnslu eða eyðingar.
Notaðir rafgeymar og hættulegur úrgangur eru sendir til endurvinnslu.
Endurunninn pappír er notaður þar sem því verður við komið.
Umhverfisvæn efni eru notuð þegar mögulegt er.
Unnið er eftir lista um hvað og hvernig eigi að flokka úrgang til endurvinnslu og allar upplýsingar um umhverfisvernd, endurvinnslu og flokkun eru sýnilegar starfsfólki og viðskiptavinum.
Komdu við á Njarðarbraut 11a
Við tökum vel á móti þér og bílnum.